567 पटक हेरिएको लिपेर शरीर भरि 
हरियो बैँस
तिमीले मलाई
आफ्नो आयु मान्यौ
टाँसेर सौभाग्य निधारमा
मेरै आरोग्यको भिक्षा माग्यौ,
केही दिन सकिन मैले
लाग्दो साउनको शुरूवातमा
मन भरि उर्लिएको
मायाको साउने भेल बगाइदिएको छु
खुल्ला राख्नु मन
भरिदिनु मुटु मायाको भेलले
र सुर्केनोले बाँधिदिनु
सक्छौ भने,
बगाइदिनु तिमीले पनि उस्तै माया
साउनको कमेरे पानीमै भए पनि,
म नदीको सीमान्त कीनारमा उभिएर
तिम्रै प्रेमको
चुलवुले माछा पक्रिन बसेको छु ।।
