340 पटक हेरिएको काठमाण्डौ । पछिल्लो २४ घण्टामा देशभर एक सय २७ जनामा कोरोना भाइरसको सङ्क्रमण पुष्टि भएको छ ।
चार हजार जनाको पीसीआर परीक्षण गर्दा एक सय २७ जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ । योसँगै नेपालमा कोरोना सङ्क्रमण पुष्टि हुनेको कुल सङ्ख्या दुई लाख ७२ हजार पाँच सय ५७ पुगेको छ ।
यस्तै पछिल्लो २४ घण्टामा एक सय ३६ जनासहित दुई लाख ६८ हजार सात सय ९६ जना निको भएका छन् ।
थप दुई जनाको ज्यान गएसँगै कोरोना सङ्क्रमणबाट ज्यान गुमाउनेको कुल सङ्ख्या दुई हजार ५४ पुगेको छ । अहिले नेपालमा एक हजार सय सात जना सक्रिय सङ्क्रमित रहेका छन् ।
