1575 पटक हेरिएको 
नेपाल रुन्छ माटो खोज्दै निद्रा छैन आजभोलि
हिमाल रुन्छ बाटो खोज्दै निद्रा छैन आजभोलि,
बाँसुरीको मृदुल धुनले मन बुझाउँदा उता भने
मादल रुन्छ साटो खोज्दै निद्रा छैन आजभोलि,
गरिबी र अभावमा पिल्सिएको छ जिन्दगी यो
तनमन रून्छ आँटो खोज्दै निद्रा छैन आजभोलि,
गाँस, बास, खै त भनी बिन्ती मलाई नसोधिदेउ
कोट्याइदियौ खाटो खोज्दै निद्रा छैन आजभोलि,
अभागी यी जनता रुवाई नेता जति विदेश देख्दा
मनको हजार पाटो रुन्छ निद्रा छैन आजभोलि ।
प्रेम श्रेष्ठ ‘विवश’
खोटाङ, हाल धरान सुनसरी ।
