486 पटक हेरिएको 
इलाम । पोखरीमा डुबेर एक नाबालिकाको मृत्यु भएको छ । इलामको माइनगरपालिका–२ की सबनम राईको पोखरीमा डुबेर आइतबार मृत्यु भएको जिल्ला प्रहरी कार्यलय इलामले जानकारी दिएको छ ।
बिनोद राईको १३ महिनाकी छोरी सबनम घर छेउमा रहेको पोखरीमा डुबेकी थिइन् । आज दिउसो १२ बजेको समयमा खेल्ने क्रममा अचानक चिप्लिएर उनी पोखरीमा डुबेको जिल्ला प्रहरी कार्यलय इलामका प्रहरी उपरीक्षक तथा सूचना अधिकारी लालध्वज सुबेदीले जानकारी दिए ।
उनका अनुसार, पोखरीमा डुबेर घाइते भएकी उनलाई उपचारका लागि भद्रपुर लादै गर्दा बाटोमा नै मृत्यु भएको हो ।
