1292 पटक हेरिएको हो त एकैनाशको हुन्न जिन्दगी सदैव खुशीसँगै सफर गर्ने 
रहर–रहरै मात्र भो तिम्रै सहायताले दुःख पीडाको भेल तर्ने
कतिञ्जेल निडर भै टिक्छ र मन वहकिन्छ नी कहिले काँही
लाग्दा मनमुटुमा चोट, हुन्छ त हौ आँखाबाट आँसु बनेर झर्ने
यो यात्रामा धेरै दुःखी तिम्रा कारण नभई म आफ्नै कारण छु
बुझेनउ न त अब, के गरुँ ? बन्नुछ मैले पुरानै अतितमा सर्ने
आफूले सोचे झै जिन्दगी, खुशीका बजारमा सधै हिट हुदैन
बुझ न हौ चढ्ने कहिले उकाली त हुन्छ कहिले ओराली झर्ने
दुखे तिमीलाई मलाई नी दुख्छ देख्न पाउँ सधै खुशीको चेहरा
कामना गर्छु तिम्रा लागि, बन सधै खुशी नै खुशीको बीउ छर्ने
हो त एकैनाशको हुन्न जिन्दगी सदैव खुशीसँगै सफर गर्ने
रहर–रहरै मात्र भो तिम्रै सहायताले दुःख पीडाको भेल तर्ने !!!!!
