1379 पटक हेरिएको 
इलाम। इलामका ७५ जना दैनिक ज्याला मजदुरी गर्ने मजदुरलाई ३३ हजार भन्दा बढी मूल्य बराबरको खाद्यन्न आइतबार वितरण गरिएको छ ।
नगरपालिकाका अति विपन्न परिवारका भवन निर्माण, बजारका सामान्य मजदुर र चिया मजदुरलाई ३३ हजार दुई सय मूल्य बराबरको खाद्यन्न वितरण गरिएको हो ।
विश्वमा कोरोना भाइरसको महामारीका कारण लकडाउन गरिएकाले रोजगारी गर्न नपाएका मजदुरहरुलाई राहत सामग्री वितरण गरिएको हो । प्रति मजदुर चार केजीका दरले खाद्यन्न वितरण गरिएको इलामका सञ्चारकर्मी सुदिप श्रेष्ठले जानकारी दिए । उनका अनुसार छत्रमान राई र माईमेडिकल इलामका सञ्चालक खेमराज श्रेष्ठको आर्थिक सहयोगमा मजदुरलाई खाद्यन्न उपलब्ध गराएका गराइएको हो ।
इलाम नगरपालिका २ सुम्बेकका राईले उपलब्ध गराएको ३० हजारको चामल र इलाम नगरपालिका)७ का श्रेष्ठबाट प्राप्त भएको तीन हजार दुई सय रुपैयाँको चिउरा वितरण गरिएको हो । राई विगत एक वर्षदेखि कोरियामा कार्यरत छन् भने श्रेष्ठ विगत लामो समयदेखि इलाम बजारमा मेडिकल सञ्चालन गर्दै आएका छन् ।
खाद्यन्न प्राप्त गर्ने मजदुरमा ८० प्रतिशत इलामका र २० प्रतिशत पाँचथर र ताप्लेजुङ्ग जिल्लाका रहेका छन् । मजदुरलाई तीन सय केजी चामल वितरण गरिसकेपछि अनुमति नलिएको भन्दै इलाम नगरपालिकाले वितरणमा रोक लगाएको बताइएको छ ।
श्रेष्ठका अनुसार, वडा नम्बर सातका अध्यक्षसँगको संयोजनमा खाद्यन्न वितरण गरिएको हो तर नगरपालिकाले प्रहरी पठाएर रोक्न लगाएपछि दुर्ई सय केजी चामल र ४० केजी बराबरको चिउरा भने वितरण गर्न नपाएको हो ।
Wednesday February 18, 2026 |
