861 पटक हेरिएको 
इलाम।इलाम नगरपालिकाले बुधबार इलाम नगरपालिका वडा नं. १० गोदकको लाप्चा बस्तीमा एक दिने निःशुल्क स्वास्थ्य शिविर सञ्चालन गरेको छ ।
गोदकको नारायण प्राविमा आयोजित स्वास्थ्य शिविरमा पाँच सय ७३ जना सर्वसाधारणले स्वास्थ्य परीक्षण गराएको इलाम नगरपालिकाकी स्वास्थ्य संयोजक रमन्ता पौडेलले बताइन् । यसरीनै तीन लाख पचास हजार बराबरको औषधि निःशुल्क रुपमा वितरण गरिएको पनि उनले बताइन् ।
शिविरमा ६४ जनाले स्त्री रोग सम्बन्धी परीक्षण गराएका थिए । जस मध्ये २९ जनाले पाठेघरको मुखको क्यान्सरको परीक्षण गराएका थिए । यसमध्ये एक जनामा क्यान्सर रोग पोजेटिभ देखिएको बताइएको छ । यसरीनै एक सय ५३ जनाले आँखाको परीक्षण गराएका थिए । यसमध्ये सात जनामा मोतिया विन्दू देखिएकाले शल्यक्रियाका लागि रेफर गरिएको थियो । शिविरमा एक सय ५३ जनाले दन्त रोग सम्बन्धी परीक्षण गराएका थिए । यसरीनै ८२ जनाले मधुमेहको परीक्षण गराएका थिए । जस मध्ये पाँच जनामा मधुमेह देखिएको बताइएको छ ।
शिविरमा स्त्री रोग विशेषज्ञ प्रभू साह, दन्त रोगका डा. मोना बस्नेत, सामान्य चिकित्सा तर्फ डा. दिपीका रिजाल र आँखा रोगका लागि डा. जेनिस चौधरीले सेवा दिएका थिए ।
इलाम नगरपालिका र औषधि व्यवसायी संघको सहयोगसमेत रहेको शिविरको उद्घाटन इलाम नगरपालिकाका प्रमुख महेश बस्नेत र जेष्ठ लाप्चाको स्वास्थ्य परीक्षण गरेर गरिएको थियो ।
Friday April 25, 2025 |
