873 पटक हेरिएको 
३३ वर्षदेखिको फुटवल इतिहास बोकेको ‘कागे मेला गोल्ड कप’ प्रतियोगिता यस वर्ष आउँदो कात्तिक १२ गतेदेखि कात्तिक २० गते सम्म हुने भएको छ । सन्दकपुर गाउँपालिकास्थित जमुनामा हुने फुटवल प्रतियोगितामा इलाम नगरपालिकाबाहिरको लोकप्रिय मानिने यस प्रतियोगितामा जिल्लाका २२ र भारतका २ टिमको सहभागिता रहने छ । कागे फुटवलको रौनकता यस वर्ष बढी हुने अनुमानले यस वर्ष दर्शक बस्नका लागि बासको प्याराफिट समेत निर्माण गरिएको छ ।
‘यस प्रतियोगिताको सेमिफाइनल खेलमा २ हजार भन्दा बढी खेलाडी उपस्थित हुने सम्भावना छ, त्यसैले यस वर्ष बस्नका लागि प्यारासफिट निर्माण गरिएको हो ।’खेलकुद विकास समितिका अध्यक्ष उमेश गुरुङले जानकारी दिए । अध्यक्ष गुरुङले सदरमुकाम बाहिरको सबैभन्दा उत्कृष्ट प्रतियोगिता कागे फुटवल प्रतियोगिता हुने जानकारी दिए ।
‘यस वर्ष जमुना आसपासको क्षेत्रमा प्रेम दिवस नामक प्रियंका कार्की र आयुस्मान देशराज जोशीको अभिनय रहेको चलचित्र समेत सुटिङ हुने भएकाले अझै रौनक थपिने देखिन्छ ।’ गुरुङले भने,‘नौ दिन सम्म चल्ने यो फुटवल प्रतियोगितामा ९ दिनै मेला समेत लाग्छ’
यस प्रतियोगितामा जिल्लाको लोकप्रिय फुटवल क्लव माइभ्याली फुटवल क्लव समेत सम्मिलित हुने छ । प्रतियोगितामा प्रथम पुरस्कार एक लाख एक सय ११ रुपैयाँ, द्धितीय पुरस्कार ५० हजार ५५ रुपैयाँ रहेको छ ।
Wednesday February 18, 2026 |
