‘इस्ट टुरिजम मार्ट’ इलाममा गराउन पहल गरिदै

  सरलपाटी सम्वाददाता

 736 पटक हेरिएको

इलाम ।  पूर्वी क्षेत्रको पर्यटन प्रवद्र्धन गर्नका लागि गरिने ‘इस्ट टुरिजम मार्ट’ इलाममा गर्नका लागि पहल कार्यक्रम थालिएको छ । स्थानीय स्तरमा भएका पर्यटनको प्रवद्र्धन देश बाहिरका व्यक्तिलाई जानकारी गराउनका लागि गरिने यो मार्ट इलाममा गराउँदा इलामका समेत विभिन्न पर्यटकीय स्थलको चिनारी हुने इलाम पर्यटन सरोकार समितिका महासचिव देवी पौड्यालले बताए ।
उनका अनुसार टुरिजम मार्ट गराउने स्थल इलाम भएपनि समग्र पूर्वी क्षेत्रकै पर्यटनको प्रवद्र्धन गरिने छ । पौड्यालले पर्यटकीय स्थल भएर पनि इलाम प्रचारप्रसारको अभावले बाहिरी पर्यटन कम आएकाले यो मार्ट पछि भन्ने जिल्लाको पर्यटनका बारेमा सबैलाई जानकारी दिए । ‘यस कार्यक्रममा देश तथा बिदेशका ट्राभल्स एजेन्सीसित समन्वय गरिन्छ र तिनीहरुलाई यस क्षेत्रका पर्यटकीय स्थलको बारेमा जानकारी गराइन्छ ।’ पौड्यालले भने, ‘यसका लागि पर्यटन बोर्डले स्वीकृत गर्नुपर्छ । त्यसैले बोर्डमा समेत पहल गर्न केही दिन पछि हामी जाने तयारीमा छौं ।’
यस बर्षको टुरिजम मार्ट कार्यक्रम झापाको दमक, काँकरभिट्टा र इलाम सदरमुकाम कहाँ गराउने भन्ने बारेमा छलफल हुदै रहेको छ । टुरिजम मार्ट गराउनका लागि ४० लाख देखि ६० लाख रुपैयाँसम्म लागत लाग्ने जनाइएको छ । यसभन्दा अघि यो कार्यक्रम धरानमा भएको थियो ।

तपाईको प्रतिक्रिया

सम्बन्धित समाचार