406 पटक हेरिएको 
इलाम।भारतको दार्जिलिङबाट छोरी भेट्न नेपाल आएकी ७२ वर्षीया एकमाथि सूर्योदय नगरपालिका–५ का ३० वर्षीय पासाङ तामाङले यौनजन्य दुव्र्यवहार प्रयास गरेका छन् । साउन ६ गते एउटी छोरीको घरबाट अर्की छोरीको घर हिंडेकी वृद्धालाई समालबुङको शान्ति बजार नजिक बाटो चिप्लो छ भन्दै सहयोग गर्नै बहानामा तामाङले बलात्कार प्रयास गरेको प्रहरीको भनाइ छ ।
सहयोग गर्ने बहानामा वृद्धाको शरीरमा जथाभावी हात हालेपछि वृद्धाले होहल्ला गरेकी थिइन् । वृद्धाले होहल्ला गरेपछि स्थानीय भेला हुँदा आरोपित तामाङ भने भागेका थिए । घटना पछि फरार रहेका तामाङलाई पक्राउ गरि जिल्ला अदालतमा जबरजस्तीकरणी उद्योग सम्बन्धी मुद्दा दर्ता गरिएको इलामका प्रहरी कार्यालयका प्रहरी निरिक्षक हेमराज ओलीले जानकारी दिए ।
Wednesday May 21, 2025 |
