627 पटक हेरिएको 
३९ औं विश्व खाद्य दिवसको अवसरमा इलाम सदरमुकाममा भएको सामुदायिक विद्यालयस्तरीय निबन्ध प्रतियोगितामा अमर माध्यमिक विद्यालयकी सुस्मा शिवाकोटी प्रथम भएकी छिन् ।
कक्षा १० मा अध्ययनरत सुस्माले निवन्धमा प्रथम भएबापत नगद दुई हजारसहित प्रमाण पत्र हात पारेकी छिन् । यस्तै, प्रतियोगितामा आदर्श माध्यमिक विद्यालयका धिरेन श्रेष्ठ द्वितीय र भगवती माध्यमिक विद्यालयकी रेखा राय तृतीय भएकी छिन् । द्वितीय र तृतीय हुने प्रतियोगीलाई क्रमश ः एक हजार पाँच सय रुपैयाँ र एक हजार दुई सय रुपैयाँ पुरस्कार प्रदान गरिएको थियो । पुरस्कार कार्यक्रमका अध्यक्ष तथा जिल्ला समन्वय समिति इलामका प्रमुख गणेशप्रसाद बराले हस्तान्तरण गरेका थिए ।
दिवसकै अवसरमा ‘हाम्रो पहल ःभोकमुक्त संसार’ भन्ने नाराका साथ यसको प्रवद्र्धन गर्दै पुरस्कार वितरण समारोह समेत सम्पन्न गरिएको थियो । कार्यक्रममा किसान समूह महासंघका अध्यक्ष विष्णुप्रसाद दुलाल र इलाम उद्योग बाणिज्य संघका अध्यक्ष इश्वर चिपालूले आ–आफ्नो धारणा व्यक्त गरेका थिए । कार्यक्रममा ज्ञान केन्द्रका शालिग्राम भट्टराईले स्वागत मन्तव्य तथा कार्यक्रमको औचित्य माथि प्रकाश पारेका थिए ।
Monday April 27, 2026 |
