594 पटक हेरिएको 
इलाम । इलामको चुुलाचुली गाउँपालिकामा माटो परीक्षण शिविर सञ्चालन गरिएको छ । प्रदेश सरकारको सघनबाली विकास कार्यक्रम अन्तर्गत माटो परीक्षण शिविर सञ्चालन गरिएको हो ।
कार्यक्रम अन्तर्गत गठन भएको ठूलो चासो सघन बालि विकास आयोजना समितिको आयोजना र कृषि ज्ञान केन्द्रको प्राविधिक सहयोगमा समिति अन्तर्गत रहेका ४४ जना र माई नगरपालकिाका ३३ गरी ७७ जना किसानको माटो परीक्षण गरिएको कृषि ज्ञान केन्द्र इलामका निमित्त प्रमुख टोनी वर्देवाले जानकारी दिए ।
माटो परीक्षणको क्रममा माटोको बुनोट, माटोमा रहेको मुख्य खाद्य तत्वको अवस्था हेरेर जीपसन र कृषि चुनको मात्रा सिफारिस गरिने बर्देवाले बताए ।
सघनबाली विकास कार्यक्रम सञ्चालनमा रहेको क्षेत्रमा किसानले मुख्य गरी मकै र धानको खेती लगाइदै आएको छ । अन्य पालिकाको भने क्रमशः सबै पालिकाकालाई समेट्दै ल्याबमा नै परीक्षण गरिनेछ ।
