388 पटक हेरिएको 
ईलाम । अटो अनियन्त्रित भई दुर्घटना हुँदा ईलाममा अटो चालकको मृत्यु भएको छ । ईलाम नगरपालिका ९ का २० वर्षिय चालक अबिकल सुन्दासको मृत्यु भएको हो ।
ईलाम नगरपालिका – ७ तिल्केनी मोडस्थित मेचि राजमार्गमा ईलाम बजारबाट गोलाखर्कतर्फ जाँदै गरेको मे.१ ह ३०२२ नम्बरको अटो अनियन्त्रित भई दुर्घटना भएको जिल्ला प्रहरी कार्यलय इलामले जानकारी दिएको छ ।
आफै अनियन्त्रित भई दुर्घटना हुँदा अटो सडकबाट करिब १५ मिटर तल झरेको प्रहरी नायब उपरीक्षक लालध्वज सुबेदीले बताए । उनका अनुसार, मृतक सुन्दास दुर्घटनामा परी गम्भीर घाइते भएका थिए ।
इलाम अस्पतालमा प्राथमिक उपचार गरी थप उपचारार्थ बिराटनगरको नोवेल अस्पताल तर्फ लैजादै गर्दा उनको गएराती बाटोमै मृत्यु भएको हो ।
