1308 पटक हेरिएको 
राष्ट्रिय वाणिज्य बैंकको ५४ औं वार्षिकोत्सवको अवसरमा इलाम शाखाले पनि विभिन्न कार्यक्रमहरु सम्पन्न गरेको छ । वार्षिकोत्सवको अवसरमा राष्ट्रिय वाणिव्य बैंक इलाम शाखाले डष्टविन वितरण गरेको छ ।
शाखाले इलामको ठूलो टुँडिखेल र इलाम चोक बजारमा एक÷एक थान डष्टविन वितरण गरेको हो । बैंकका शाखा प्रबन्धक लाक्पा दिकी शेर्पाले टुँडिखेलका लागि माइभ्याली फुटबल क्लबका सचिव दिनेश काफ्लेलाई हस्तान्तरण गरेकी थिइन् । यसैगरी इलाम चोक बजारका लागि उद्योग वाणिज्य संघ इलामका महासचिव मदन श्रेष्ठलाई प्रधन्धक शेर्पाले डष्टविन हस्तान्तरण गरेकी थिइन् ।
वार्षिक उत्सवको अवरमा शाखा प्रबन्धक शेर्पाले कार्यालयमा केक काटेर उत्सव उद्घाटन गरेकी थिइन् । कार्यक्रममा उद्योगी, व्यापारी, सञ्चारकर्मी र सेवाग्राहीहरुको उपस्थिति रहेको थियो ।
उत्सव कार्यक्रममा प्रवन्धक शेर्पाले बैंकले ग्राहकको सुविधालाई ध्यानमा दिएर नयाँ–नयाँ सेवा सुविधाहरु थप गर्दै गएको बताइन् ।
यसअघिनै मोबाइल बैंकिङ्ग सेवा शुरु गरेको बैंकले मोबाइल बैंकिङ्ग मार्फत इ–सेवाले जसरीनै अनलाइन कारोबार सेवा दिन थालेको पनि उनले बताइन् । बैंकको एप्समार्फत हवाई सेवाको टिकट काट्न, विद्युत, खानेपानी, टेलिफोन, डिस होमलगायतको विल भुक्तानी गर्न सकिने सेवा बैकले भरखरैदेखि शुरु गरेको छ ।
सरकारी कारोबार समेत गर्न थालेको बैंकले लोकसेवाको फाराम शुल्क लिने तथा कृषि कर्जा, राष्ट्रसेवक कर्जा, शिक्षक कर्जा र वाणिज्य बैंकले दिने सम्पूर्ण सेवाहरु दिइरहेको प्रबन्धक शेर्पाले बताइन् । इलाममा सबैभन्दा धेरै एटिएम सेवा लिने सेवाग्राही समेत नेपाल वाणिय बैंककै रहेको पनि उनले बताइन् ।
