550 पटक हेरिएको 
इलाम नगरपालिकाले आयोजना गरेको लगानी सम्मेलनको उद्घाटन गर्न शुक्रबार प्रधानमन्त्री केपी शर्मा ओली इलाम आउँदै छन् ।
जिल्लामा लगानी प्रवद्र्धन गर्नका लागि नगरपालिकाले आजदेखि नगरसम्मेलन आयोजना गर्दैछ । उद्घाटनकै अवसरमा प्रधानमन्त्री ओलीलाई जिल्लाबासीको तर्फबाट इलाम नगरपालिकाले अभिनन्दन पनि गर्ने भएको छ ।
प्रधानमन्त्री ओली पाँचथरको रबीमा सडक शिलान्यास गरेर इलाममा १ बजे आउने भएका छन् । प्रधानमन्त्री ओली गढिथुम्कास्थित श्री पशुपतिप्रसाद गणमा अवतरण गरेर भोजन गरेपछि कार्यक्रम स्थल गौतम बुद्धसभागृहमा आउने कार्यक्रम रहेको छ ।
प्रधानमन्त्री आउने भएपछि जिल्लामा हिजोदेखिनै सुरक्षा व्यवस्था कडा गरिएको छ । सुरक्षाकर्मी बाक्लो परिचालन गरिएको छ ।
यता नेपाली कांग्रेसले भने अभिनन्दनलाई नौटंकी र नागरिकको अपमानभन्दै बहिष्कार गरेको छ ।
Saturday April 19, 2025 |
